អ្វីដែលខ្ញុំនិយាយនេះគឺ យើងគួរតែគាំទ្រ, មិនត្រូវតែគាំទ្រនោះទេ, សូមយល់ពាក្យខ្មែរឲច្បាស់ផងបាទ។
យើងជាខ្មែរយើងត្រូវស្រលាញ់និងអភិរក្សភាសារបស់យើង។
ដល់ពេលដែលយើងត្រូវធ្វើបដិវត្តន៏អហិង្សាដើម្បីអោយបច្ចេកវិជ្ជានីមួយៗចាប់ផ្តើមទទួលស្គាល់ភាសារបស់យើងហើយ។ ដូច្នោះសម័យនេះទៅហើយយើងគួរតែមានភាសារបស់យើងបន្ថែមទៅនឹងគ្រប់ម៉ាស៊ីនអេឡិចត្រូនិចផងដែរ។
អញ្ចឹងចាប់ពីពេលនេះតទៅ យើងគួរតែគាំទ្រម៉ាស៊ីនអេឡិចត្រូនិចឬទូរស័ព្ទ ណាដែលមានការសរសេរនិងការអានភាសាខ្មែរជាស្រេចដោយមិនបាច់បញ្ចូលរឺបន្ថែមអ្វីទាំងអស់។
បើសិនជាក្រុមហ៊ុនផលិតម៉ាស៊ីនអេឡិចត្រូនិចរបស់ពួកគេចង់ឲប្រជាជនខ្មែរគាំទ្រផលិតផលរបស់ពួកគេនោះ ពួកគេគួរតែផលិតម៉ាស៊ីនណា ដែលបន្ថែមកម្មវិធីដែលអាចសរសេរនិងអានភាសាខ្មែរបានយ៉ាងងាយៗ ដោយមិនបាច់ Jailbreak ឬ Root ម៉ាស៊ីននោះឡើយ។ និយាយរួមទៅទិញមក មានភាសាខ្មែរស្រេចហ្ម៎ង!!!
ឆ្ងល់មែនទែន! ជារៀងរាល់ថ្ងៃពួកគេទទួលបានផលចំណេញជាច្រើនពីពួកយើង, ប៉ុន្តែពួកគេមិនដែលគិតថានឹងធ្វើឲពួកយើងប្រើប្រាស់ផលិតផលរបស់ពួកគេក្នុងភាពងាយស្រួលសោះ។ ដូចជាការទិញ iPhone វាពិបាកមែនទែន មានលុយទិញហើយ ដូចទៅសុំគេទិញទៀត ចំពោះ iPhone ចូលមកខ្មែរទាំងកេសៗ ប៉ុន្តែសូម្បីតែអក្សរខ្មែរមួយតួរក៏គ្មានដែរ។
បញ្ជាក់!: មានករណីប្លន់សម្លាប់មួយពូជនៅឯខេត្តសៀមរាបមួយ ដែលជនរងគ្រោះដែលត្រូវគេអារករហើយស្ទើរតែស្លាប់ទៅហើយនោះបានសរសេរសារទូរស័ព្ទទៅកាន់មិត្តភ័ក្រ និង សាច់ញ្ញាតិ ជាភាសាអង់គ្លេស ដើម្បីឲជួយខ្លួនគេនិងក្រុមគ្រួសារដែលបានស្លាប់ទៅហើយនោះ។ទីបំផុតប៉ូលិសបានមកជួយជនរងគ្រោះទាន់ពេលវេលានិងចាប់បានជនដៃដល់ទាំង៦នាក់ នៅឯខេត្តបាត់ដំបងក្នុងរយះពេលតែមួយព្រឹកប៉ុណ្ណោះបន្ទាប់ពីថ្ងៃកើតហេតុ។ នេះបើសិនជាសារដែលសរសេរនោះផ្ញើរទៅកាន់អ្នកអត់ចេះអង់គ្លេសនោះ, ជនរងគ្រោះប្រហែលជាត្រូវស្លាប់បាត់ទៅហើយមើលទៅ, ពិតជាស៊យធំមែន។
សូមមេត្តារង់ចាំអានបន្តទៀតនៅវេលាយប់នេះ! សូមអរគុណ
ថាម៉ោក្មួយ សព្វង៉ៃទូរស័ព្ទអានខ្មែរបានមានស្អីខ្លះ? រាប់ឱ្យបាន១០ម៉ោះ…
@រិន្ទ, លោកចង់សួរខ្ញុំថាតើម៉ាកអ្វីខ្លះដែលអាចអានខ្មែរបានដោយមិនបាច់កែរឬបញ្ចូលហ្វុងមែនទេ? បើអញ្ចឹងវាមានម៉ាក Nokia N900, និង N9 ប្រើប្រព័ន្ធដំណើរការ Meego OS, ប្រហែលយ៉ាងតិច១០ប្រភេទទៀតនៃ Nokia ដែលប្រើប្រព័ន្ធដំណើរការ S40 Java OS។
ហើយចំពោះ iPhones, iPads, iPod Touches ដែលប្រើប្រព័ន្ធដំណើរការ iOS និង Samsung,HTC, LG, Motorola, Sony Ericsson ឬទូរស័ព្ទចិន, ថៃ, វៀតណាមណាដែលប្រើប្រព័ន្ធដំណើរការ Google Android OS, យើងអាចសារ៉េហ្វុងខ្មែរនៅលើគេហទំព័រឲពួកវាបានដោយមិនបាច់បញ្ចូលអ្វីទាំងអស់។
តែបើម៉ាស៊ីនណាដែលប្រើប្រព័ន្ធដំណើរការ iOS យើងគួរតែធ្វើការ Jailbreak និងបញ្ចូលហ្វុងខ្មែរបន្ថែម ដើម្បីមើលអក្សរខ្មែរបានគ្រប់កម្មវិធីរបស់វា។ បើសិន @រិន្ទ, ឆ្ងល់អំពី Nokia លោកអាចសាកសួរក្រុមហ៊ុន Nokia បាន។